تتقدم عائلة عبدو في مدينة يافا ببالغ الحزن والأسى بأحر التعازي وخالص المواساة لأبنائها في قطاع غزة الذين قضوا اثر الحرب الاسرائيلية على قطاع غزة، والتي ما زالت متواصلة منذ نحو 8 أشهر.
وقالت العائلة "نتقدم نحن آل عبدو في مدينة يافا بأحر التعازي وخالص المواساة وبمزيد من الحزن والأسى لأبناء عمومتنا وأبناء عائلتنا في قطاع غزة لفقدانهم ثلة من أبناء العائلة، والذين قضوا اثر الحرب المتواصلة على القطاع، أعظم الله أجرنا وأجركم، وألهمنا واياكم الصبر والسلوان، انا لله وانا اليه راجعون".
وكتبت ابنة عمهم وفاء عبدو من قطاع غزة على موقع التواصل الاجتماعي فيسبوك "من 8 شهور والحرب ما وقفت اخدت احلامنا وحياتنا واخدت منا الغالين اخدت اختي الكبيرة والله كانت روحي وصحبيتي والسند النا اخدت مكان امي بكل اشي.. واخدت كمان ولادها وحفيدها، كسرو قلبنا وتوجعنا كتير ولسا بنتوجع حنتوجع العمر كلو عليهم اذا ضل النا عمر نعيشو"
وأضافت "بعد 8شهور ماكفاها الي اخدتو، اخدت اغلى اشي عنا اخدت وحيدنا وروحنا وسندنا بالحياة العمود الي بنتكز عليه كلنا، بكفي عنجد الحمل تقل كتير يالله بكفي لهان يارب ما توجعنا ع حدا تاني ياارب احنا مش حمل خسارة تانيه الله يعينك يابا ويصبر قلبك ويقويك ع الحمل الي تركلك اياه "شاكر"...
واختتمت "يارب ارحمنا برحمتك وصبر قلبونا وارحم امي حبيبتي لله يرحمك يختي يا وفيه ويرحمك يا همام ياحبيبي كنا نستنا امك تزوجك ونفرح فيك عريس بالجنه ان شاء اللاه ي خالتي ويرحمك بسووم والله اشتقت لشقاوتك ويرحم ابنك عصفور بالجنه ويرحمك يا غرام كنتي زي النسمه بنعومتك يا خالتي، وارحم اخويا شاكر حبيبي يا الله واجعل مسكنهم الجنه يالله وتقبلهم من الشهداء واجمعنا فيهم بالجنه يالله".
بامكانكم ارسال مواد إلى العنوان : [email protected]