-
20°C
- يافا
-
السبت18°C
-
الأحد17°C
-
الأثنين17°C
-
الثلاثاء16°C
-
الأربعاء17°C
-
الخميس16°C
-
الجمعة17°C
-
السبت17°C
-
الأحد18°C
-
الأثنين18°C
-
الثلاثاء17°C
-
الأربعاء17°C
-
الخميس18°C
-
الجمعة19°C
-
السبت22°C
10 أسباب وراء إغلاق 3 مدارس عربية في مدينة يافا ((1))
.jpg "10 أسباب وراء إغلاق 3 مدارس عربية في مدينة يافا ((1))")
נבילה
2019-06-26 12:16:23انت يا محمود عبيد..من شباب يافا الذين نفخر بهم.. لا تهتم لا تهتم لأي أمر يقال انت المثقف المؤمن والمخلص سدد الله خطاك.. استمر في النضال لأجل عدم إغلاق المدارس وبالذات الزهراء.. عشان الوضع بخوف... الله يكون بعون الطلاب بالذات.. الانتقال إلى مدرسه أخرى.. يجلب الاحباط في نفوس الطلاب..!! ليس بالأمر الهين اكيييد رح تكون فوضى كبييييره في بداية السنه وكمان عدد الطلاب في الصف رح يكون كبير وهاي الطامه الكبرى الله يستر من اللي جاي !!!!؟؟؟؟
ام مدحت
2019-06-25 18:23:17على جميع اهالي يافا الوقوف في وجه رئيس البلديه سمعو صوتكم بالمظاهرات بلاضراب اي شئ اصحو يا اهل البلد تحركو
الى اليافاوية
2019-06-25 14:30:25الاخت يافاوية الموقع هذا الوحيد الي حكى وما زال بيحكي بالموضوع. المشكلة باذناب البلد الي مخربين بيتنا. شتتوا البلد كل خمسة عاملين حزب. والان جديد ايش اسمه ادارة حسن بيك والبطات الذهبيات وغيره.
سناء
2019-06-25 13:50:05اي مدرس بدها تتصكر
معلمه
2019-06-25 07:34:03والله بصراحه وضع الطلاب بالمدارس اشي بجد بخزي بس السوال الأهل الي بحطو ولادهم بمدارس يافا بعرفو مبن يعلموهم وأي شهادات معهم.؟ اكيد لا الأهل بالمره مش فاضيين روحو اعملو جوله عاى المعلمين وشوفو اديش مع شهادات تدريس واديش عبرو عشان أقارب المدير. او المديره ولا معهم أشي انا اشتغلت كتير سنين بمدارس وشوفت العجب بالمدارس ولهيك انا معي لقب لقب تاني ادره مراكز تعليميه ومعي شهاده تدريس بس والله. خساره الواحد يحرق بالبو بيافا لما اهل يافا اغلبهم نايمين اكيد الي عمل لفب تاني أدراه مراكز تعليميه بتعلم كورس משפטים هادا الكورس بعرفك عاى حقوقك كأستاذ وكاهل انت بتقدر تروح عاى المدرسه وتشوف اي ملف استاذ بدك. او تروح مع امتحان ابنك الي ما نجح وتشوف خطه التدريس شيت الاستاذ هل الخطه ملائمه للامتحان بس مين الأهل الي ما بصدقو يصبر صبح عشان يبعتو ولادهم عاى المدرسه مش مهم مين علمهم المهم همي بالمدرسه انا عن حالي جربت حظي اشتغل باللقب التاني الي معي وبشهاده التدريس الي معي بس المعلمين الغير مؤهلين ماخدين محل كبير بالمدارس وما مخليين محل للي معهم شهادات. لهيك انا رح اروح أتوظف بالنقب لانو اغلب الأهل بيافا نايمين ورح يضلو نايمين والله تعلمت كل هاي السنين عشان أفيد بلدي وولاد بلدي بس مع الأسف الوضع بالمدارس بقرف وبصراحه معهم حق يسكرو المدارس لانو بروح الطالب على صف سابع ما بعرف اشي. انا نصيحه مني استغلو حقوقكم كاهل وبدكم مصلحه ولادكم
اركان
2019-06-25 06:04:58هدا امر مدبر بين البلديه وبين لجنه الي وضعتها لتحسين وضع التعليم
يافاوي حور
2019-06-25 06:01:29خليكم نايمين ياهل البلد المقابر في خطر المدارس في خطر المينا في خطر اولادنا في خطر يافا رح اضيع منا شوي شوي خليكم نايمين يعطيكم الف عافية
فاطمه دكه
2019-06-24 22:43:23بدي اصحي اهل البلد بي جمله اليوم اخدو الاراضي والحرب على المقابر وهلاء على المدارس كلو اتسمسر احنا وان ويا خوفي من الي جاي يافا بلدي واهلي وناسي ارجاء منكم اصحو واطلعو وخدو حقكم في ايديكم وما تشمتو فيكم لزم نتواحد ويكون عنا حق في هذا البلد يافا لن تموت يافا تاج على كل راس ورايا بيضاء ومحبه وسلام ما تخلو اي مدرسه تتسكر بوجوه اولاد البلد.
ام احمد جاروشة يافا
2019-06-24 21:11:59انا لما كنت صغيرة كان بس ثلاث مدارس حسن غرفة الراهبات طراسنتا الفرير أربع مدارس اسفة الباقي كان مستحل وعملهوم مدارس للخواجات لما كبرت اهل يافا ساعوو لفتح مدرسة ابتدائية أخرى وشواي شواي زادو المدارس . أما اليوم عرب يافا نايمين اصحوا ما تخالو ولا مدرسة تتسكر واجهو ما تخافو من السجن أو من اقتلاع التأمين الرازق الله مش عيب ولا حرام ندافع على مدارسنا مستقبل أولادنا احفادنا يا ناس اصحوا بيكفي نوم عن الحقيقة خلص اخذوا كل شيء از لازم نصحى نصحى شيء مخذل . وين اللي بيشتغلوا بالبلدية وينهم وين الهيءة الإسلامية وين الباقي اللي قاعدين على وظاءفهم . كل واحد خايف يخسر وظيفته خايف ينحبس بس لاء ما تخافوا كونوا أقوياء واجهوا دافعوا
ام محمد يافا
2019-06-24 20:55:00لازم نتحرك ونتظاهر
يافاوية
2019-06-24 20:44:06للأسف يا اخ محمود عبيد نشرت هادا المقال بوقت متأخر ليش بس هلا صحيتو على الحديث على تسكير المدارس بالذات مدرسة الزهراء اللي ابني تعلم فيها وبفتخر انو تعلم فيها واليوم هو من الأوائل. ليش ولا حد من أهل يافا احتج على موضوع هدم أولاد الزهراء. هذه المدرسة صار فيها تغيير كبير اجابي في الفترة الأخيرة . وطلب لمدراء يافا اللي رح يستوعبوا أولاد الزهراء في السنة الجاي متهتلوش فيهم وكفى حكي على أنهم أولاد مش نافعين عيب عليكم وبتامل انو فهموا على مين القصد
هدى بنت يافا
2019-06-24 20:41:18إلى تعقيب..اخي سامي صادق بكل كلمه... الحي ابقى من الميت... اصحوا يا بشر !!+ التعليم ثم التعليم ثم التعليم...!! اهم ايشي بناء رجال المستقبل بناء شخصيه اجتماعيه ..قويه متزنه عنجد وين المشايخ وين أعضاء البلديه..وين رجال التربيه والتعليم. ...مدراء..معلمين ..مفتشي...؟؟؟!!! ليش واقفين مكتوفي الأيدي.. إيش عم بصير ؟؟؟!! الجهل رح يقضي علينا اقولها وانا حزينه جدا على هذا الوضع المزري !!!+++!!؟؟؟؟؟؟!!!
يافا
2019-06-24 20:07:59ليميز الله الخبث من الطيب وستبدل قوما غيركم ثم لا يكونوا امثالكم الى كل الذين تخلفوا عن الحقيقه من الاخر هده دوله بدهاش عرب بدهاش نتعلم بدها خلعنا من الاساس واحنا منعين خير بس الله اعلم شوا مخبين
محمد
2019-06-24 19:58:32إلى الأخ محمود عبيدة ما تخاف من أحد المدراء وأصحاب المصالح الشخصية لازم ينكشف أمرهم!!!!!!!
محمد
2019-06-24 19:51:00نطالب بإزالة أمر الإغلاق لا يمكن أن يمر هذا القرار من غير أسباب واضحة. أن أسباب تدني مستوى الطلاب والطالبات يقع على عاتق ادارة المدرسة وليس هناك وقت كافي تعاون مشترك بين المؤسسات سيجبر بلدية تل ابيب على وجود حل مشكلة المدرسة الإغلاق ليس الحل الوحيد
حسن
2019-06-24 19:48:48بنتظر السبب الثاني على احر من الجمر. موقع يافا زفت مشغول بتلميع الفاشلين بتنصيبهم بالمكملة ليافا . يا منافقين با متاجرين بيافا
مدرس سابق
2019-06-24 19:46:42الى الاخ محمود عبيدة شو بدك بالزبط؟ التعليم مفضوح من يومه بيافا والكل مبسوط ومكيفين حتى الهيئة الاسلامية مش سائله بالموضوع. مهتمين بالاموات . وانا بقول لك وبأمانه مديراء يافا بحضروا قضية ضدك . وانا بقول لك كل البلد معاك
منيرة
2019-06-24 19:44:00ليش ما بيسألوا حالهم مديرات الابتدائيات عن سبب تدني التحصيل؟ انا كمدرسة في الاعدادية بيصلوني اولاد لا بيعرفوا القراءة ولا الكتابه والسؤال ايش ساووا خلال 6. سنوات مع هؤلاء الطلاب؟
خليل ابو حضيرة
2019-06-24 19:42:25على فكرة كل المدراء بيافا متواطئين مع البلدية بموضوع تسكير المدارس ركلهم على دراية بالموضوع. وهم اول من يجب محاسبته. شو جابولنا ليافا وطلابها ؟
محمد
2019-06-24 19:40:54نشكر الموقع على هذه السلسلة ونشد على اياديكم . هاتوا المزيد واشعلوها صحوة . وين تاعون العمامة واصحاب الفخامة؟ وين ادارة حسن بك " كل فرق بما لديهم فرحون". وين المشهراوي ؟ ايش يا حبيبي التعليم صار باحسن حال بعد ما استقال ؟ وين الفيديوهات المباشر ؟ التعليم صار ممتاز؟ خربوا لجان الاباء. وضربونا ببعض وهيهم سكروا للبلد ثلاثة مدارس. المقال يؤكد نفاقكم ونفاق كل المؤسسات بيافا . لانكم تلهثون وراء اشخاصكم . وتركتم التعليم لبعض المنتفعين وومن لا يفهم شيء
ام
2019-06-24 19:18:39رائي السبب الرئيسي في دعم إغلاق المدارس التربية من الأساس البيت والمدرسة. كل من الأهل المهم انه ابنه في إطار ودور المعلم الطالب مشاغب ، لا الأهل ولا المعلم يجتهدوا في فهم تصرف اولادنا .
פארס
2019-06-24 17:33:47الأمر واضح...سياسة تجهيييييييييييل وتخدييييييير اصحوا اصحوا يا اهل يافا اصحووووواااا؟؟؟!!!!!!+
فاطمه
2019-06-24 17:23:46اولا لما البلديه تسكر مدرسه اكيد الطلاب راح يروحو عمدرسه ثانيه وعيك بيصير ضغط عباقي المدارس وبيكون العدد كبير ومن الصعب يستوعبو التعليم وبيصير فوضى. ثانيا اليهود بدهمش عرب بيافا ولا باللد اشكرا بيطفشو فيهم هاد من الاخر الكلام. حسبنا الله ونعم الوكيل واللهم اجعل كيدهم في نحرهم. وارجو من كل الجهات والمختصه وكل الوجهاءواهل الخير التحرك فورا والا راح الخساره تكون كتير كبيره بلدنا وولادنا .
سامي
2019-06-24 16:56:00مقبرة الإسعاف. على عيني وعلى راسي .طييب .اش مع المدارس مش لازم كمان نعطيها شوي من الاهتمام والحي أبقى من الميت عشان نكمل المشوار ونقدر ان ندافع على حقوقنا. اولا المدارس التربيه والتعليم هم أساس. القوى لكي نحافظ على وجودنا كعرب في يافا ........
يافا
2019-06-24 16:42:11وين اصحاب المقاعد والانتخابات البلديه وبس
بنت البلد بنت البلد
2019-06-24 16:12:56والله والله ...لواحد مش عارف إيش يقول..؟؟!!! عنجد ..وين اهل البلد..وين المظاهرات..وين الاحتجاج...وين ووين ووين ؟؟؟؟!!
ابو ادم
2019-06-24 16:04:54يعمي الشعب هدا مش نافع بلمره انشالله يغير هيك شعب
ابو محمود
2019-06-24 15:57:33اغلاق المدرسه الصناعيه مربوط بشكل مباشر مع مخطط البلديه لاخلاء المبنى لصالح رجال اعمال المبنى المجاور للمدرسه وكل القصه وعد من رئيس البلديه قبل الانتخابات للبلديه ووعد منه اخلاء المبنى لصالح رجال الاعمال المبنى الضريبه سابقا ليصبح المبنى لاحد الاغنياء ، فقررت البلديه ابعاد الطلاب لكي لا يخربو المبيعات للمنطقه وتقول البلديه انها لن تغلق المدرسه بل انها دمجتها عدديا مع عمال١ بعد ان استطاعت البلديه اغلاق عمال١ من شبكه عمال وحولتها تابعه للبلديه ومن ثم اخذ المبنى لصالح عدد قليل من الطلاب
فاطمه دكه
2019-06-24 15:25:30احسنت اخي أو اختي كلام سليم أين رجال التربيه والتعليم اينا انتم هنا انا اتمنا انا اهل بلدي يافا ينظر من النافذه الاخره أولادكم اولادنا لبد ان يكن حل وهذا الأمر يرجع لكم انتم اهل يافا الكرام العلم سلاح والمستقبل في الحياه هدف في النجاح والتفوق وانشاء أجيال المستقبل متوفقه .
سعيد ابو قاعود
2019-06-24 15:20:13إضراب شامل جميع المدارس الى إشعار الآخر حتى وصول الى حل نافع للمجتمع انها حرب اقتصادي وسياسي وتربوي وتعليمي على يافا من قبل رون حولدئي يلا أصحو يلا الى العمل
علي
2019-06-24 15:20:08أغلق مدرسه الزهراء بصمت عار على كل صاحب ضمير اين انتم يا عبد القادر ابو شحاده وامير بدران .
يا فوية الاصل
2019-06-24 15:07:26وين اهل الخير وين الهيات المنتخبه بس بدافعوا علي مصالحهم وين حق الجيل الصاعد ولا وين مصالحكم بدافعو تعملو دعايات من قبل أسبوع زي ما بدافعو علي مقبرة الإسعاف دافعو علي مصلحة اولادنا
مسلمه ليش بعملوش مضاهرات ليش بفوعوش زي ما بعملوا وبحاربوا على العظم اي اهم الحي ولا الميت بس سايبين الاشياء المهمه وعاملين ضجه على ولا اشب بالاخر اش ما بدها البلديه بتعمل واحد من الحلول اللي اعطتكم اياها يعني مش انتوا القررتوا بالاخر صحصحوا للامور المهمه
2019-06-24 14:25:56أبو وائل
2019-06-24 14:07:31بارك الله فيكم
ام بلال
2019-06-24 14:06:52أين رجال التربيه والتعليم والمؤسسات المنتخبة من كل هذه الزوبعة التي تعصف بالمدينة أين انتم من هذه القرارات المجحفة التي تتخذ على أيدي المسؤولين؟ لماذا لم تحركوا ساكنا لماذا لم نسمع صوتكم؟ حتى بالمدرسة الناجحة يريدون هدمها وهدم نتائجها في البلد
تحميل
تعليقات Facebook
أخبار ذات صلة
التعليقات